Në Maqedoni po vazhdon të shpërfillet gjuha shqipe

Edhe pse ka kaluar në Kuvendin e Maqedonisë së Veriut Ligji për Gjuhet i cili parasheh që gjuha shqipe të jetë gjuhë zyrtare në këtë  shtet, ai ende nuk po gjen zbatim.

Nëse shkoni në kryeqytetin e Maqedonisë nga ana e Kumanovës tabelat në në hyre të tij janë vetëm në gjuhen maqedone dhe angleze por jo edhe në gjuhën shqipe. E në gjuhen shqipe mirëseardhje për në Shkup përdoret vetëm nga hyrja e Kosovës.

Drejtuesit e Komunës së Shkupit i kanë thënë Alsatit se ky është një gabim dhe ajo nuk është bërë me ndonjë qëllim, transmeton albinfo.ch.

“Qyteti i Shkupit e respekton dygjuhësinë dhe  sapo të verifikohet vërtetësia e informacionit, në afat sa më të shkurtër do të bëhet edhe korrigjimi-arsyetohen nga Qyteti i Shkupit”, thuhet në përgjigjeje.

Vendosja e tabelave në institucione dhe në rrugë me gabime, apo vetëm në gjuhën maqedonase dhe angleze, por jo edhe në gjuhën shqipe dhe më pas korrigjimi i tyre, po përsëritet tashmë disa herë.
Përgjegjësinë për respektimin dhe zbatimin e drejtë të Ligjit për Përdorimin e Gjuhëve e kanë Agjencia dhe Inspektorati që ende nuk janë funksionale.