Ka vazhduar për të dytën ditë resht debati për gjuhën shqipe në Komisionin për sistem politik dhe marrëdhënie ndërmjet bashkësive etnike.
Por, deputetja opozitare e VMRO DPMNE-së, Nevenka Stamenkovska tha se propozim ligji pa të drejtë mban yllin e Bashkimit Evropian.
Sipas saj, gjuha shqipe edhe ashtu është e aplikueshme me Marrëveshjen e Ohrit dhe kjo tha se tashmë është realizuar.
Stamenkovska deklaroi se nuk ka aspak nevojë për ta diskutuar propozim ligjin në fjalë, raporton televizioni “Alsat”.
Asaj iu kundërpërgjigj deputeti i BDI-së, Rexhail Ismaili duke i thënë se Marrëveshja e Ohrit ende nuk është realizuar tërësisht, pikërisht për shkak të mos-rrumbullakësimit të çështjes së gjuhës shqipes, përcjell albinfo.ch.
Ai i bëri thirrje opozitës të mos keqpërdor këtë temë për poena politike, para zgjedhjeve lokale. Ndërsa nesër është dita e fundit e debatit për këtë propozim-ligj në Komisionin për sistem politik.
