Në Prishtinë e Tiranë nisin aksionet për ndihmë të prekurve nga përmbytjet

Ministri i Jashtëm i Shqipërisë, Ditmir Bushati, ka deklaruar se Qeveria e Shqipërisë do të ndihmojë me një fond prej 100 mijë euro popullsinë e prekur nga përmbytjet në Maqedoni. Në njoftimin për media nga BIK-u thuhet se ditën e premte më 12 gusht, në të gjitha xhamitë e Kosovës, pas namazit të xhumasë do të organizohet aksion humanitar

Përderisa sot në Maqedoni është ditë zie për viktimat e vërshimeve të rrethinës së Shkupit, Bashkësia Islame e Kosovës (BIK) ka nisur një aksion humanitar për grumbullimin e të mirave materiale për ndihmë të prekurve nga përmbytjet.

Në njoftimin për media nga BIK-u thuhet se ditën e premte më 12 gusht, në të gjitha xhamitë e Kosovës, pas namazit të xhumasë do të organizohet aksioni humanitar.

Po ashtu, gjatë ditës së hënë, mediat nga Tirana raportuan se edhe Ministri i Jashtëm i Shqipërisë, Ditmir Bushati, ka deklaruar se Qeveria e Shqipërisë do të ndihmojë me një fond prej 100 mijë euro popullsinë e prekur nga përmbytjet në Maqedoni.

Bushati ka bërë të ditur se Tirana zyrtare do të vijojë kontaktet me autoritetet maqedonase për të marrë informacione mbi dëmet e shkaktuara, me qëllim për të shfrytëzuar sa më mirë këtë fond.