Në Rinas ‘fluturohet’ më shumë

Numri i pasagjerëve që kanë udhëtuar me linja ajrore, në tetëmujorin 2017 është 1.741.707, duke u rritur me 24,6 %, krahasuar me të njëjtën periudhë të një viti më parë

Transporti nëpërmjet linjave ajrore ka pasur një rritje dyshifrore në tetë mujorin e vitit 2017 për shkak të nxitjes që dha sektori i turizmit nëpërmjet fluturimeve çartër.

Sipas INSTAT numri i pasagjerëve që kanë udhëtuar me linja ajrore, në tetëmujorin 2017 është 1.741.707, duke u rritur me 24,6 %, krahasuar me të njëjtën periudhë të një viti më parë, shkruan ‘monitor’.

Numri i fluturimeve të kryera, në gusht 2017, është 2.640, duke shënuar një rritje me 12,7 %, ndaj gusht 2016.  Në muajin gusht, numri i pasagjerëve që kanë udhëtuar me linja ajrore është 328.317, duke u rritur 26,8 %, krahasuar me gusht 2016, përcjell albinfo.ch.

Numri i pasagjerëve që udhëtojnë me linjë detare në gusht 2017 është 421.256 persona, krahasuar me gusht 2016, ky tregues është rritur 18,7 %.

Në tetëmujorin e 2017, kanë udhëtuar me linjë detare 1.120.320 pasagjerë, duke u rritur me 19,3 %, krahasuar me të njëjtën periudhë të një viti më parë.