Në SHBA ka vdekur astronauti legjendar John Young

John Young ishte personi i parë që ka fluturuar në gjithësi gjashtë herë dhe personi i nëntë që ka ecur në Hënë, gjatë karrierës së tij 42 vjeçare

Astronauti legjendar i Shteteve të Bashkuara të Amerikës, John Young, i cili kishte pasur fatin të udhëtonte në Hënë, ka vdekur mbrëmë në moshën 87 vjeçare. Agjencia amerikane e gjithësisë, NASA, ka njoftuar se Young ka vdekur në shtëpinë e tij në Hjuston, pasi ka vuajtur nga pneumonia.

NASA i referohet astronautit të ndjerë si njëri prej pionierëve të kësaj agjencie, pasi ai është i vetmi kozmonaut që ka fluturuar në kuadër të programeve Gemini, Apollo dhe Space Shuttle, citon REL. John Young ishte personi i parë që ka fluturuar në gjithësi gjashtë herë dhe personi i nëntë që ka ecur në Hënë, gjatë karrierës së tij 42 vjeçare.

Kjo ishte karriera më gjatë e një astronauti, transmeton albinfo.ch.