Në Shkup po protestohet për grupin e “Kumanovës”

Në sheshin Skënderbeu në Shkup po mbahet protesta kundër vendimit të gjykatës për grupin e Kumanovës në aktgjykimin e së cilës 7 nga pjestarët e grupit u dënuan me burgim të përjetshëm.

Pjesëmarrësit në protestë po mbajnë në duar pankarta me mbishkrime si: “Poshtë Shovenizmit”, “Pa drejtësi nuk ka shtet”, “Duam gjykim nga ndërkombëtarët”, etj, përcjell albinfo.ch.

Protesta organizohet nga disa organizata joqeveritare të cilët apelojnë që të zbulohen porositësit e vërtetë të ngjarjes së Kumanovës dhe kërkojnë hetim ndërkombëtarë.

Protesta kundër vendimit të gjykatës ka pasur edhe në disa qytete të Kosovës, ndërsa kryeministri kosovar Ramush Haradinaj ka thënë se ata do të kërkojnë ekspertizë ndërkombëtare për këtë rast.