Në Shqipëri nis shpërndarja falas e librave për filloristet

Në Shqipëri këtë vit ka nisur shpërndarja e librave falas për nxënësit e shkollave fillore.

Mësimi në Shqipëri do të nis me 17 shtator dhe deri atëherë pushtetarët kanë thënë se 125 mijë nxënës do të marrin librat e tyre. 

Kryeministri Rama dhe ministrja Nikolla nga Vlora gjatë një takimi me prindër dhe mësues u kërkuan nxënësve ti rujan librat. Rama ka thënë se në rast se dëmtohen librat  vendimit që ka marrë Këshilli  i Ministrave është që familjet duhet të paguajnë ato, shkruan Albinfo.ch.  

“Që librat do të merren falas e do duhet të kthehen përsëri në fund të vitit. Do duhet të mbahen me kujdes, me dashuri e të kthehen. Nuk është një shpikje e jona. Kemi marrë disa kritika apo qesëndi për këtë, por nuk është një shpikje e jona dhe nuk është vetëm një çështje materiale, por është edhe një mënyrë për të krijuar një raport të posaçëm me librin”, ka thënë ai.

Ndërsa ministrja e Arsimit, Lindita Nikolla pohoi se tekstet falas janë për nxënësit nga klasa e parë deri në të katërt, por shtoi se qeveria pretendon që vitin tjetër të përfshijë edhe klasat e pesta.

---