Nënshkruhet Marrëveshja “One Stop Shop”

Kjo Marrëveshje u mundëson qytetarëve të Prishtinës që aplikojnë për leje ndërtimi, që të aplikojnë vetëm në një zyrë të vetëm dhe jo në katër institucione

Qytetarët e komunës së Prishtinës, por edhe afaristët që ndërtojnë shtëpi e banesa të larta, nuk do të kenë më nevojë të vrapojnë pa lejeve të veçanta në Qeverisë, Komunë, Ujësjellës e Distribucion të energjisë elektrike, pasi tash e tutje, do të merret vetëm një leje në Komunën e kryeqytetit.

Kjo u mundësua pas sot në ambientet e Ministrisë së Mjedisit dhe Planifikimt Hapësinor  u nënshkrua Marrëveshja e Mirëkuptimit për “One Stop Shop”, në mes të Ministrisë së Mjedisit dhe Planifikimit Hapësinor, Komunës së Prishtinës, Kompanisë

Kosovare për Distribuim dhe Furnizim me Energji Elektrike (KEDS) dhe Ujësjellësit Rajonal “Prishtina”.

“Qëllimi i kësaj marrëveshje është që palëve të cilat aplikojnë për leje ndërtimi t’i lehtësohet procedura dhe të aplikojnë në një zyrë të vetme në Komunën e Prishtinës (One Stop Shop) e jo si deri më tani, që pëlqimin ta kërkojnë edhe veçmas në KEDS dhe në KUR Prishtina’, thuhet në njoftimin lëshuar nga Zyra për Marrëdhënie me Media e komunës së Prishtinës.

Në emër të Komunës së Prishtinës marrëveshjen e nënshkroi Kryetari i Komunës Shpend Ahmeti, i cili u shpreh se kjo është edhe një lehtësim në të mirë të qytetarëve, të cilët tash e tutje do të kursejnë kohë dhe të gjitha shërbimet lidhur më këtë procedurë, do t’i kryejnë në Komunën e Prishtinës.