Kosova

Nesër KQZ shpall rezultatet përfundimtare

E mërkurë, 3 Mars 2021 - 16:40 albinfo.ch

Zëdhënësi i KQZ-së, Valmir Elezi, ka bërë të ditur se nesër do të shpallen rezultatet përfundimtare të zgjedhjeve të 14 shkurtit.

Ai ka thënë se deri në mbrëmje do të përfundojë procesi i numërimit të fletëvotimeve nga jashtë.

“Deri në orët e mbrëmjes, numërimi i fletëvotimeve jashtë Kosovës do të përmbyllet. Pas përfundimit të numërimit, Qendrës së Numërimit dhe Rezultateve i duhen disa orë kohë për të kryer procedurat e parapara për të përmbyllur administrimin për rezultatin e zgjedhjeve. Ju njoftoj se rezultatet përfundimtare për subjektet politike dhe kandidatët do të shpallen nga Komisioni Qendror i Zgjedhjeve, ditën e enjte, më 4 mars”, ka thënë ai.

Sipas Elezit, rezultatet përfundimtare, ndër tjerash, do të përfshijnë rezultatet për të gjitha subjektet politike dhe kandidatët pjesëmarrës në zgjedhje, dhe atë sipas vendvotimeve, qendrave të votimit, komunave dhe rezultatet e votave me kusht e atyre me postë.