Netanyahu konfirmon përgjegjësinë e Izraelit për sulmet me pejxherë

Keystone EPA/DEBBIE HILL / POOL

Izraeli e ka konfirmuar për herë të parë se qëndron pas operacionit të shtatorit, ku shpërthyen qindra pejxherë të përdorur nga Hezbollahu në Liban.

Sipas raportimeve nga mediat izraelite, kryeministri Benjamin Netanyahu i tha kabinetit të tij: “Operacioni i zhurmës dhe eliminimi i udhëheqësit të Hezbollahut, Hassan Nasrallah, u nis me gjithë kundërshtimin e zyrtarëve të lartë në institucionin e sigurisë”.

Vendimi i qeverisë për të informuar mediat izraelite mbi komentet e Netanyahut – dhe si rrjedhojë, të konfirmojë se Izraeli qëndron pas operacionit – duket të jetë një kapitull tjetër në politikat e brendshme që kanë dominuar Izraelin javët e fundit, shkruan CNN.

Deklaratën e Netanyahut mediat e interpretuan si kritikë të nënkuptuar ndaj udhëheqjes ushtarake dhe inteligjencës izraelite, si dhe ndaj ministrit të atëhershëm të Mbrojtjes, Yoav Gallant, të cilin Netanyahu e shkarkoi të martën, transmeton albinfo.ch.

Ndryshe, qindra pejxherë të përdorur nga anëtarët e Hezbollahut shpërthyen në gjithë Libanin më 17 shtator, sulm që la të vdekur nëntë persona dhe plagosi rreth 2,800 të tjerë.