Netanyahu paralajmëron Iranin: Nuk ka vend ku Izraeli nuk mund të arrijë

Foto Twitter: @netanyahu

Kryeministri izraelit Benjamin Netanyahu në një fjalim në Asamblenë e Përgjithshme të Kombeve të Bashkuara ka paralajmëruar Iranin se nuk ka vend ku “krahët e gjatë” të Izraelit nuk mund të arrijnë.

Ai ka thënë se paralajmërimi vlen për të gjithë Lindjen e Mesme ndërsa ka bërë thirrje që t’u jepet fund përpjekjeve për “zbutje” të Iranit, transmeton albinfo.ch.

“Ne po fitojmë”, ka thënë ai, duke treguar një hartë që e quajti “mallkimi” i ndikimit të Iranit dhe një tjetër që e përshkroi si “bekim”.

“Gjithçka duhet bërë për të siguruar që Irani të mos marrë armë bërthamore”, ka deklaruar ai, duke shtuar se Izraeli e kërkon, e do dhe do ta rivendosë paqen.

Tutje Netanyahu këmbënguli se Izraeli nuk dëshiron që asnjë i pafajshëm të vdesë.

“Asnjë ushtri nuk ka bërë atë që Izraeli po bën për të minimizuar viktimat civile: ne lëshojmë fletushka, dërgojmë mesazhe me tekst, bëjmë miliona telefona për t’u siguruar që civilët palestinezë të shpëtojnë nga rruga e keqe”, ka thënë ai.