Neymari është shpallur lojtari më i mirë në kampionatin francez për sezonin 2017/18.
26-vjeçari e pranoi çmimin nga legjenda braziliane, Ronaldo. Sulmuesi i PSG-së, edhe pse nuk ka luajtur në dy muajt e fundit për shkak të lëndimit, ka pasur një sezon mbresëlënës, duke shënuar 28 gola në 30 ndeshje, derisa ka dhuruar edhe 19 asistime.
Neymari, në sezonin e tij të parë me parisienët, arriti të fitonte titullin e kampionit dhe Kupën e Francës.
