Departamenti Amerikan i Shtetit ka njoftuar se edhe për këtë vit do të mund të aplikohet për lotarinë amerikane, e një gjë e tillë mund të bëhet qysh prej të mërkurës.
Janë 50 mijë viza që do të shpërndahen mes gjashtë rajoneve gjeografike dhe asnjë vend nuk mund të marrë më shumë se 7% të totalit të vizave, përcjell albinfo.ch.
Departamenti Amerikan i Shtetit bën të ditur se procesi i aplikimit do të nisë këtë të mërkurë dhe do të zgjasë deri me shtatë nëntor. Ashtu si edhe vitet e kaluara, pritet që fituesit të shpallen në muajin maj të vitit 2018. Përzgjedhja është rastësore, përmes një shorti kompjuterik, ndërsa nuk ka asnjë tarifë për t’u regjistruar.
