Nga nesër fillon panairi i 30-të i librit në Shkup

Botuesit do të organizojnë edhe promovime dhe takime me autorë në stendat e tyre, ku kësaj here për dallim nga vitet tjera panairi do mbahet në sallën "Boris Trajkovski".

Shumë shtëpi botuese do të marrin pjesë në Panairin e 30-­të të librit i cili zyrtarisht do të hapet nga 3 deri 9 maji 2018.

Në këtë panair do të ofrohet literaturë nga autorë vendorë dhe të huaj, botime shkencore, libra për fëmijë, libra shkollorë.
Botuesit do të organizojnë edhe promovime dhe takime me autorë në stendat e tyre, ku kësaj here për dallim nga vitet tjera panairi do mbahet në sallën “Boris Trajkovski”. Krahas botueseve vendorë do të ketë edhe të huaj nga Shqipëria dhe Serbia, ndërsa Ambasada e Suedisë do të organizojë prezantim të literaturës për fëmijë.

Orari i punës së Panairit është prej orës 10:00 deri në orën 20:00, çmimi i biletës është 30 denarë, gjegjësisht 20 denarë për vizitorët në grupe. Për nxënësit e shkollave hyrja do jetë pa pagesë nëse kanë vërtetim nga shkolla dhe kujdestari i klasës.