Nga viti 1980: Dyfishohet numri i veturave, pesëfishohet ai i motorëve

Ndërkohë që numri i veturave dhe ai i motorëve të rëndë është rritur dukshëm, motorët e vegjël (mopedët) janë në zhdukje e sipër

Sot nëpër rrugët e Zvicrës qarkullojnë dyfish më tepër automobila se sa para 40 vjetësh, bëhet e ditur në një informatë të pubikuar sot nga Zyra Federale për Statistikë. Ndërsa numri i motorëve madje është pesëfishuar gjatë kësaj periudhe, shkruan srf.ch.

Ndërkohë që numri i veturave dhe ai i motorëve të rëndë është rritur dukshëm, motorët e vegjël (mopedët) janë në zhdukje e sipër, transmeton albinfo.ch. Aktualisht në rrugët e këtushme po qarkullojnë më pak se një e treta e numrit të mopedëve të regjistrzar në vitin 1980.

Mirëpo, rënia e përmendur ka filluar të ngadalësohet për shkak të një zhvillimi të ri: prej dhjetë vjetësh mopedët kanë filluar të shtohen pasi që në kategorinë e tyre tashmë futen zyrtarisht edhe biçikletat e shpejta elektrike (E-Bikes).

Numri i ngarësve të biçikletave gjatë kësaj periudhe ka rënë për 12 për qind.

Është interesante se përkundër shtimit të madh të numrit të veturave dhe të motoçikletave, në Zvicër nuk është shënuar ndonjë ulje e numrit të këmbësorëve.

---