Ngjarje tragjike në Viti të Kosovës

Dyshohet se burri, mërgimtar nga Zvicra, vrau bashkëshorten, dy djemtë e tij dhe veten

Një ngjarje tragjike ka ndodhur në komunën e Vitisë në Kosovë, pasi dyshohet se katër persona janë vrarë në Pozharan.

Rastin e ka bërë të ditur zëdhënësi i Policisë në Gjilan, Ismet Hashani.

Hashani ka thënë se ende nuk kanë më shumë informacione, porse ka konfirmuar se ka ndodhur një vrasje e katërfishtë.

“Është e vërtetë që ka ndodhur një vrasje e katërfishtë në Pozharan të Vitisë. Ende nuk kemi më shumë informacione dhe ekipet e Policisë janë në vendngjarje”, ka thënë ai.

Dyshohet se një burrë ka vrarë bashkëshorten, dy djemtë e tij dhe pastaj veten.
Dorasi është mërgimtar që punon dhe jeton në Zvicër dhe në Kosovë ka ardhur për pushime.

Zëdhënësi i Policisë, Ismet Hashani, ka thënë se nuk mund të japë më shumë detaje lidhur me rastin, transmeton Telegrafi, përcjell Albinfo.ch.

“Po mund të konfirmoj se vrasja ka ndodhur brenda një familje. Ende nuk kemi më shumë detaje”, ka thënë Hashani.

---