Ngrihen tonet në mes të bashkëbiseduesve?

Mësohet se gjatë bisedimeve, në Bruksel, Thaçi në njërën anë, dhe Dacic e Vucic në anën tjetër, kanë ngritur zërin ndaj njëri – tjetrit.

Burime të gazetës Express kanë bërë të ditur se takimi i përbashkët, në Bruksel, ndërmjet Prishtinës dhe Beogradit, ka rezultuar me përplasje të ashpra ndërmjet delegacioneve të Kosovës dhe Serbisë.

Mësohet se gjatë bisedimeve, Thaçi në njërën anë, dhe Dacic e Vucic në anën tjetër, kanë ngritur zërin ndaj njëri – tjetrit.

“Pas kësaj situate Baronesha Ashton ka kërkuar një pauzë dhe aktualisht negociatorët ndodhen në pauzë”, ka thënë një burim i gazetës.

Drejtori i zyrës për Kosovën në Qeverinë e Serbisë, Aleksandar Vulin, ka deklaruar se ende nuk është arritur ndonjë marrëveshje në mes serbëve dhe shqiptarëve në Bruksel.

Vulin, i cili është pjesë e delegacionit serb në dialog, ka thënë se takimi është duke vazhduar. Sipas tij, brenda është duke u biseduar për tema të ndjeshme, por nuk ka specifikuar se cilat janë ato.

Në Bruksel po vazhdon raundi i tetë i negociatave ndërmjet dy kryeministrave Hashim Thaçi dhe Ivica Daçiq. Sipas kryeministri Thaçi, sot duhet të nënshkruhet një marrëveshje që i jep fund funksionimit të strukturave paralele serbe në tri komunat e veriut.