Nis “Java e Filmit të Diasporës”

Sonte në Prishtinë do të shfaqet filmi “Në tokë të huaj”, me regjisor Hamdi Arifaj, bashkatdhetar yni nga Suedia. Filmi shfaqet në ora 21 në Sheshin “Zahir Pajaziti”

Ministria e Diasporës, për herë të parë gjatë aktiviteteve në kuadër të Ditëve të Diasporës dhe Mërgatës, ka filluar Javën e Filmit të Diasporës, ku do të shfaqen disa nga veprat e mërgimtarëve tanë nëpër komunat e Kosovës. Sonte në Prishtinë do të shfaqet filmi “Në tokë të huaj”, me regjisor Hamdi Arifaj, bashkatdhetar yni nga Suedia.

Filmi do të shfaqet në orën 21:00 në amfiteatrin e Sheshit “Zahir Pajaziti” në kryeqytet, duke
shënuar kështu të hapur Java e Filmit të Diasporës shqiptare.

Java e Filmit starton sonte, ndërsa karvani i filmit shqiptar, siç raporton MeD, do të vazhdojë rrugëtimin edhe në komunat e tjera përgjatë javëve në vazhdim. Sipas MeD-së, pas Prishtinës java e filmit vazhdon në Prizren me 30 korrik, në Pejë me 31, në Ferizaj me 03 korrik, në Gjakovë me 3 korrik dhe në Mitrovicë me 4 korrik.

Po ashtu Ministria e Diasporës, njofton bashkatdhetarët se të shtunën më 26.7.2014 në amfiteatrin e Shkollës Amerikane në Prishtinë, mbahet finalja e kuizit të diturisë me nxënësit e mësimit plotësues nga diaspora. Ky është aktivitet ky që mbahet për herë të tretë më radhë në Kosovë.