Nis sezoni i Pashkëve në El Salvador

Salvadorianët kanë kremtuar sezonin e Pashkëve me ceremoninë tradicionale, me ç’rast burrat të veshur si djaj godasin banorët. Me këtë ceremoni theksohet beteja universale e së mirës kundrejt së keqes.

Ceremonia mbahet çdo vit në qytetin Tekstepeke. Dhe, aktorët e quajtur tradicionalisht ‘tallsigines’, që nënkupton burrë-djall, ndëshkojnë banorët për mëkatet e tyre, duke i goditur me kamxhik, përcjell albinfo.ch.

Shumica vijnë nga rajonet e ndryshme të El Salvadorit, për të marrë pjesë në ngjarje dhe rrahin për mëkatet e bëra gjatë vitit. Kur një ‘tallsigine’ i afrohet një burri të veshur si Jezusi, ‘tallsigine’ godet tokën tre herë me kamxhikun e tij. Më pas Jezusi rrethohet dhe godasin tokën 9 herë me kamxhik për të theksuar joshjen.

Pas goditjes së 9-të, ‘tallsigine’ bie i poshtëruar para këmbëve të Jezusit, i cili ngrihet mbi të, merr kamxhikun, ia mbështjell rreth trupit, që paraqet traditën se e mira triumfoi ndaj së keqes. Jezusi me një të rënë në një zile tregon se i ka falur të gjithë, pavarësisht mëkateve.