Nis takimi Blinken-Netanyahu në Tel-Aviv

Sekretari amerikan i Shtetit, Antony Blinken, është pritur të premten nga kryeministri i Izraelit, Benjamin Netanyahu, në ndalesën e fundit të Blinkenit gjatë vizitës së tij të gjashtë në Lindjen e Mesm, që kur ka nisur lufta në Gaza, përcjell albinfo.ch.

Para takimit me Netanyahun, Blinkeni ka deklaruar se do t’ia paraqesë atij alternativat lidhur me planin izraelit për një ofensivë tokësore në qytetin jugor të Gazës, Rafah.

Ndërkohë, të premten më vonë, Këshilli i Sigurimit i OKB-së do të hedhë në votim një rezolutë të sponsorizuar nga SHBA-ja, e cila kërkon armëpushim të menjëhershëm në Gaza.

Rezoluta po ashtu thekson rëndësinë e ndihmave për Gazën.

Blinkeni mbërrin në Izrael, me Netanyahun do të flasë për armëpushim në Gaza

Sekretari amerikan i Shtetit, Antony Blinken, ka arritur të premten në kryeqytetin e Izraelit, ndalesa e fundit në udhëtimin e gjashtë urgjent në rajon, që kur ka nisur lufta në Gaza.

Blinkeni ka thënë se do të paraqesë alternativa lidhur me planin e një sulmi tokësor të Izraelit në qytetin Rafah të Gazës, gjatë takimit me kryeministrin Benjamin Netanyahu dhe kabinetin e tij të luftës në Tel Aviv, raportoi AP.

Blinkeni të enjten ka diskutuar me liderët arabë rreth përpjekjeve për të arritur marrëveshje për armëpushim në Gaza dhe për idenë e Gazës së pasluftës.

Rezoluta amerikane gjithashtu mbështet përpjekjet diplomatike për të siguruar një “armëpushim në lidhje me lirimin e të gjithë pengjeve të mbetura” dhe thekson “nevojën urgjente për të zgjeruar rrjedhën e ndihmës humanitare për civilët në gjithë Rripin e Gazës”.