Një 26 vjeçar shqiptar vritet në rrethana të paqarta në Londër

Një ngjarje e rëndë raportohet të ketë ndodhur në Britaninë e Madhe ku një i ri shqiptar ka mbetur i vrarë natën e vitit të ri në Londër. Siç raportojnë mediat atje, i riu 26 vjeçar, Fatjon O. humbi jetën pas një sherri të dhunshëm të ndodhur në rrugë, në South Yorkshire.

Raportohet se viktima me prejardhje ishte nga Kukësi i Shqipërisë dhe jetonte në Londër.

BBC raporton se nga ekzaminimi mjeko-ligjor i riu vdiq nga gjakderdhja si pasojë e plagëve të rënda të shkaktuara nga goditjet. Policia e South Yorkshire saktësoi se ai ishte goditur edhe me thikë.

Për ngjarjen autoritetet britanike arrestuan 2 persona, një djalë 26-vjeçar dhe një vajzë 20-vjeçe, si të dyshuar për vrasjen. Ata u lanë të lirë ndërkohë që hetimet vazhdojnë. Po ashtu të martën u arrestua edhe një 23-vjeçar nga Rotherham, por ai u la më pas i lirë për mungesë provash.

Aktualisht ende nuk janë zbardhur motivet që dërguan deri në këtë tragjedi por Policia ka njofyuar se po vijojnë hetimet nga grupe të specializuara hetuesish.