Një atentat vetëvrasës, sipas Sofjes

Izraeli akuzon Iranin

Atentatit antiizraelit në Bullgari që ndodhi të mërkurën, ku u vranë të paktën shtatë persona, gjashtë izraelitë dhe një bullgar, është kryer nga një kamikaz, i cili gjithashtu u vra, njofton ministri bullgar i Punëve të Brendshme. Izraeli thotë se kemi të bëjmë me një “valë globale të terrorizmit” të drejtuar nga Irani.

“Shpërthimi është shkaktuar nga një burrë, i cili vdiq në sulm dhe për të cilin identiteti i saktë ende nuk është përcaktuar. Dokumenti i tij i udhëtimit ishte një patentë shoferi i rremë/fals, i dorëzuar nga Shteti i Michigan-it” në Shtetet e Bashkuara, ka theksuar ministri, ndërsa ishte në aeroportin e Burgasit, në afërsi të Detit të Zi.

Izraeli fajëson Iranin për këtë sulm. Atentati synonte një autobus që transportonte turistë izraelitë të ardhur me një avion, i cili kishte 151 persona në bord.

“Valë globale e terrorizmit”

Izraeli po përballet me një valë globale të terrorizmit të drejtuar nga Irani, bëri të ditur sot ministri izraelit i Mbrojtjes, Ehud Barak. “Sulmi i Burgasit u udhëhoq nga aktivistët (Lëvizja libaneze shiite) e Hezbollahut dhe është drejtuar nga Irani”, tha Barak në radion izraelite publike.

“Rrjetet botërore të Al Kaidës dhe Xhihadit Islamik gjithashtu veprojnë në gjithë botën”, shtoi zoti Barak, duke përmendur një sërë sulmesh që kishin në shënjestër izraelitët jashtë vendit, veçanërisht në Kenia, Tajlandë, Azerbajxhan, Gjeorgji dhe Qipro.