Një i vdekur dhe 20 të lënduar pas një sherri në një lokal në Prishtinë

Faton Ismajli, FB

Sherri që plasi në një lokal në Prishtinë la një të vdekur dhe 17 të tjerë të lënduar.

Në orët e para të mëngjesit ka ndërruar jetë njëri nga të plagosurit në Prishtinë për shkak të plagëve që ka marrë me armë zjarri në regjionin e barkut. Lajmin e ka konfirmuar për Top Channel, shefi i repartit intensiv në QKUK, Shaqir Uka.

Policia thotë se katër persona kanë marrë plagë nga arma e zjarrit dhe të tjerët nga copat e xhamit.

“Dyshohet se pas një mosmarrëveshje në një lokal, në mes të disa të  dyshuarve meshkuj kosovarë, janë përdorur edhe armë zjarri  (të shtëna me armë zjarri), si pasojë e kësaj lëndime trupore kanë pësuar katër të dyshuar meshkuj kosovarë (nga arma e zjarrit), ndërsa si pasojë e thyerjeve të gotave–shisheve të qelqit lëndime kanë pësuar 17 persona, prej tyre tre meshkuj dhe 14 femra”, thuhet në njoftim, përcjell albinfo.ch.

Tutje shton se një prej të dyshuarve është ende në arrati.

“Katër të dyshuarit mbeten të hospitalizuar në QKUK dhe me vendim të prokurorit ndalohen (nën përkujdesje të policisë). Në vendin e ngjarjes kanë dalë njësit relevante policore dhe njësia  K-9, në vend-ngjarje janë gjetur katër gëzhoja dhe njolla gjaku. Një i dyshuar mashkull gjendet në arrati”, sqaron policia, përcjell albinfo.ch.