Një variant i ri Covid, me simptoma të lehta në Zvicër

Variantet e reja të Covid po shfaqen

Një kombinim i varianteve Delta dhe Omicron që është gjetur në një numër në rritje të infeksioneve kronike, ka krijuar një emër të ri: Deltacron.

“Aktualisht nuk ka asnjë provë që ky mutacion po përhapet shpejt…dhe mund të supozohet se niveli i imunitetit të popullatës është i mirë”, tha Richard Neher, anëtar i Task Forcës Covid-19, njofton albinfo.ch.

Por ka edhe një variant tjetër që qarkullon në Zvicër: “vëllai i vogël” i Omicronit, i njohur si BA.2, i cili është edhe më ngjitës, por jo më virulent se vëllai i tij i madh, të paktën për njerëzit e vaksinuar.

Rimëkëmbja e epidemisë po rrit gjithashtu shifrat e shtrimeve ditore në spital në Zvicër.

“Rritja e numrit të rasteve po prek më së shumti ata mbi 60 vjeç dhe ka një rritje të ndjeshme të numrit të shtrimeve në spital”, theksoi Task Forca për Covid-19 në raportin e saj të fundit të publikuar të martën.

---