Njoftim i rëndësishëm për udhëtime në Maqedoninë e Veriut

Foto: Aeroporti i Shkupit në Facebook

Raportohet se në seancën e mbajtur të martën, më 19 prill 2022, Qeveria e Maqedonisë së Veriut ka miratuar rekomandimin e Komisionit për Sëmundje Infektive për të shfuqizuar detyrimin e posedimit të certifikatës së vaksinimit, certifikatës për shërim nga Covid 19, testet negative PCR dhe antigjen për të gjithë qytetarët maqedonas, por edhe për shtetas të huaj për hyrje në këtë vend, përcjell albinfo.ch.

Në lidhje me këtë vendim është shfuqizuar edhe masa për izolim shtëpiak në kohëzgjatje prej 7 ditëve për hyrje në shtet pa dokumentet e lartpërmendura.

Pra, në Maqedoninë e Veriut mund të udhëtohet lirshëm pa kurrfarë dokumenti për virusin Corona.