Numri i të vdekurve nga koronavirusi në Evropë, më i lartë se ai në Azi

Deri të mërkurën në mëngjes, të paktën 3,422 njerëz kanë vdekur nga sëmundja e mushkërive Covid-19 në Evropë

Ndryshe nga trendi i para pak ditëve, sot rezulton se, më shumë njerëz kanë vdekur nga koronavirusi kanë vdekur në Evropë se sa në Azi. Sipas një vlerësimi të shifrave zyrtare nga agjensia e lajmeve AFP, deri të mërkurën në mëngjes, të paktën 3,422 njerëz kanë vdekur nga sëmundja e mushkërive Covid-19 në Evropë. 

Krahasuar me 3.384 sa kanë vdekur deri më tani në Azi, është ky një numër më i madh, trasnemton albinfo.ch.

Me këtë zhvillim, del se “fokusi” i koronavirusit tashmë ka kaluar nga Azia në Evropë.

Shumica e vdekjeve brenda Evropës kanë ndodhur në Itali. Deri më tani, 2503 njerëz kanë vdekur atje.

Në total, numri i vdekjeve nga koronavirusi në të gjithë botën, sipas gjendjes në mëngjesin e të mërkurës, është rritur në mbi 8,000 . Sipas vlerësimit të AFP, 8092 njerëz në të gjithë botën kanë vdekur nga virusi, përcjell albin fo.ch. Vetëm në 24 orët e kaluara, 684 njerëz kanë vdekur në Evropë.

---