Nxirret trupi i pajetë i turistes kroate në Jezercë, turistë të tjerë ende të bllokuar

Një turiste kroate ka humbur jetën dhe trupi i saj i pajetë është nxjerrë nga Maja e Jezercës këtë të shtunë.

43-vjeçarja ka vdekur pasi rrëshqiti nga lartësia ndërsa raportohet se u nxor pas disa orësh dhe po transportohet drejt morgut me helikopter, shkruan TCH.

Ndërkohë, të bllokuar janë ende turistë të tjerë. Nuk dihet saktësisht sa persona janë të lënduar, ndërkohë që ekipet e kërkim-shpëtimit mbështetur nga Ministria e Shëndetësisë dhe Mbrojtjes po vazhdojnë punën për shpëtimin e tyre.

Ndryshe, grupi i alpinistëve kroat ishin ngjitur nga Mali i Zi për të mbërritur në vendin e quajtur “Maja e Jezerces”, por rrugës njëra nga anëtaret e grupit ra nga një terren i thepisur malor dhe me bore, transmeton albinfo.ch.