OBSH pret vendimin për vaksinat kineze

Keystone Oxford/John Cairns via AP)

Organizata Botërore e Shëndetësisë do të vendosë në fund të këtij muaji ose në maj për listat e përdorimit urgjent për vaksinat COVID-19 nga Sinopharm dhe Sinovac pas një shqyrtimi të zgjeruar, tha të enjten një zyrtar i rajonit evropian nga OBSH.

“Ne jemi në kontakt me ta për të rishikuar dosjet që janë dorëzuar nga të dy prodhuesit e vaksinave”, tha eksperti i vaksinimit i OBSH-Evropë, Siddhartha Datta, në një konferencë virtuale për shtyp.

“Ne do të dëgjojmë për një vendim mbi listën e përdorimit emergjent në prill ose në fillim të majit”.

Një panel i OBSH-së në fazat e fundit të rishikimit të vaksinave kineze ka thënë se një vendim për të paktën një mund të vijë më 26 prill, ndërsa një takim i dytë është planifikuar për 3 maj, nëse duhet më shumë kohë për të marrë një vendim për të dy vaksinat, shkruan “Reuters”, përcjell albinfo.ch.