OJQ-ja franceze ngre padi për ndotjen nga zjarri i Notre-Dame

KEYSTONE/AP Photo/Thibault Camus

Një OJQ franceze akuzon autoritetet se nuk kanë lëvizur shpejt për të përmirësuar rreziqet e kontaminimit të plumbit pas zjarrit që shkatërroi katedralen Notre-Dame në Paris në prill.

Në një intervistë për Euronews, zëdhënësi Jacky Bonnemains i Robin des Bois (Robin Hood) tha se grupi mjedisor ngriti një proces gjyqësor të premten përpara Gjykatës së Lartë të Parisit.

“Ne kemi ngritur një padi sepse kemi kuptuar se për të paktën tre muaj, ka pasur një dështim në informacionin publik,” tha ai.

Grupi mjedisor pretendon se agjensitë shëndetësore, zyrtarët qeveritarë dhe qyteti i Parisit “qëllimisht i vë njerëzit në rrezik” duke mos marrë menjëherë masa për të kufizuar ekspozimin ndaj ndotjes.

“Autoritetet përkatëse, përfshirë dioqezën … lënë pas dore të ndihmojnë banorët, vizitorët dhe punëtorët, duke i lejuar ata të ekspozohen ndaj rreziqeve toksike,” tha grupi mjedisor në padinë e tij, shkruan Euronews, përcjell Albinfo.ch.

Qindra tonë ton plumbi në çatinë e kishës dhe shkëmbinjtë e shkrirë gjatë flakës, kanë lëshuar grimca toksike që vendoseshin në rrugë dhe ndërtesa në lagjet përreth.