OKB për Gazën: Mbi gjysmë milioni njerëz po vuajnë nga uria

Keystone (AP Photo/Fatima Shbair)

Organizata e Kombeve të Bashkuara ka deklaruar se pasi nuk ka hyrë mjaftueshëm ushqim në territorin e rrethuar, mbi gjysmë milioni njerëz janë duke vuajtur nga uria në Gaza.

AP ka raportuar se zyrtarët palestinezë thanë sot që numri i të vdekurve tani ka tejkaluar 20 mijë apo rreth 1% e popullsisë së territorit të paraluftës, shkruan albinfo.ch.

Ndërkaq, dhjetëra mijëra palestinezë të zhvendosur janë grumbulluar në strehimore dhe kampe me tenda, ndërsa është rritur frika për përhapjen e sëmundjeve.

Këshilli i Sigurimit i Organizatës së Kombeve të Bashkuara ka shtyrë sërish votimin për një rezolutë të re për të ndalur në ndonjë mënyrë luftimet, gjë që do të lejonte një rritje të dërgesave të ndihmave humanitare.