Opozita ka protestuar edhe në Prizren

Manifestimi protestues i radhës që ka mbajtur sot opozita e bashkuar në Prizren ka përfunduari qetë dhe pa incidente. Sipas policisë së Kosovës të pranishëm në Protestë kanë qenë disa qindra qytetarë, bën të ditur klan Kosova.
Pas fjalimeve të mbajtura nga përfaqësuesit lokalë të partive opozitare, protestuesve iu drejtuan liderët e partive opozitare, përveç kryetarit të Aleancës për Ardhmërinë e Kosovës, Ramush Haradinaj, që gjendet në udhëtim.
Anëtari i Nismës që vjen nga Prizreni, Zafir Berisha në fjalën e vet, Thaçin e Mustafën i ka quajtur mbeturina dhe ka thënë se do të vazhdojnë ta kundërshtojnë këtë Qeveri.
Opozita ftoi qytetarët që në numër sa më të madh të marrin pjesë në protestën  gjithëpopullore në Prishtinë, që do të mbahet më nëntë janar.