Opozitarët serbë vizitojnë Zveçanin

Përfaqësuesit e opozitës në Serbi, Aleksandar Jovanoviq, lideri i Lëvizjes Ekologjike në Serbi, Mirosllav Aleksiq nga Partia Popullore dhe Danijela Nestoroviq, deputete në Parlamentin e Serbisë, kanë vizituar të martën protestuesit në Zveçan, përcjell albinfo.ch.

Prezenca e tyre ka nxitur tension në mesin e protestuesve, ku mbështetësit e Listës Serbe dhe ata të opozitës janë sharë e fyer verbalisht, ndërsa ka pasur edhe shtyrje mes vete.

Ata thanë para gazetarëve0 se kanë shkuar në Kosovë për t’u solidarizuar me protestuesit.

“Gjendja si në Kosovë është për çdokënd edhe në Serbi. Qe 10 vjet, nën udhëheqjen e këtij pushteti kjo gjendje është pothuajse kështu, andaj një ditë pushtetarët do të japin përgjegjësi për këtë”, thanë mes tjerash ata, shkruan koha.net.

Opozitarët pas Zveçanit vazhduan për në veri të Mitrovicës.