Oslo: Tramvaji del nga shinat dhe përplaset me një dyqan, katër të lënduar

Raportohet se katër persona kanë mbetur të lënduar në Oslo, pasi një tramvaj ka dalë nga shinat në qendër të kryeqytetit norvegjez, duke u përplasur në një dyqan telefonash dhe kompjuterësh të martën, përcjell albinfo.ch.

Rreth 20 persona ishin në tramvaj në momentin e incidentit, kur ai doli nga shinat në një kryqëzim në Storgata, një nga rrugët kryesore të kryeqytetit norvegjez, raporton AP.

Pamjet nga vendi i ngjarjes tregojnë se pjesa më e madhe e tramvajit ishte përplasur në dyqan.

Shoferi i tramvajit ishte mes të plagosurve. Policia ka thënë se të gjithë u trajtuan në vendngjarje, por askush nuk kishte lëndime serioze.

Shkaku i aksidentit nuk u përcaktua menjëherë teksa policia ka thënë se po prisnin anëtarët e Autoritetit të Hetimit të Sigurisë Norvegjeze për të mbërritur. 

https://x.com/EuropeNewsEU/status/1851225224890499477?ref_src=twsrc%5Etfw%7Ctwcamp%5Etweetembed%7Ctwterm%5E1851225224890499477%7Ctwgr%5E095ad81e43e9da45d008752fd984af8bcb00b3af%7Ctwcon%5Es1_&ref_url=https%3A%2F%2Fwww.koha.net%2Fbote%2Ftramvaji-ne-oslo-del-nga-shinat-dhe-perplaset-me-nje-dyqan-kater-te-lenduar

Ndërtesa katërkatëshe ku u përplas tramvaji është evakuuar më vonë për të kontrolluar për dëmtime strukturore.

https://x.com/hodlonaut/status/1851223898504708499?ref_src=twsrc%5Etfw%7Ctwcamp%5Etweetembed%7Ctwterm%5E1851223898504708499%7Ctwgr%5Ed5706e364e786b491efca1484fc660de0cdc62d2%7Ctwcon%5Es1_&ref_url=https%3A%2F%2Fwww.koha.net%2Fbote%2Ftramvaji-ne-oslo-del-nga-shinat-dhe-perplaset-me-nje-dyqan-kater-te-lenduar