Osmani falënderon nënshkruesit e letrës dërguar SHBA-së, BE-së e Britanisë

Vjosa Osmani

Presidentja e Kosovës, Vjosa Osmani, ka falënderuar të gjithë nënshkruesit e letrës dërguar drejt Shteteve të Bashkuara të Amerikës, Bashkimit Evropian dhe Britanisë së Madhe.

Përmes një postimi në Twitter, Osmani ka falënderuar posaçërisht deputeten britanike, Alicia Kearns, për, siç u shpreh, përpjekjet e saj të palodhshme, transmeton Albinfo.ch.

“Faleminderit Alicia Kearns për përpjekjet tuaja të palodhshme në ekspozimin e agjendës destruktive dhe destabilizuese të Serbisë. Falënderoj të gjithë nënshkruesit për mbështetjen e tyre të fuqishme për sovranitetin dhe demokracinë e Kosovës. Së bashku, ne do të ruajmë vlerat tona të përbashkëta dhe do të forcojmë demokracinë”, ka shkruar Osmani.