Osmani u bën thirrje shqiptarëve të Luginës për dalje masive në zgjedhje

Vjosa Osmani, Presidente e Kosoves

Presidentja e Kosovës, Vjosa Osmani, këtë të diel u ka bërë një mesazh shqiptarëve të Preshevës, Medvegjës e Bujanocit.

Ajo thotë se pjesëmarrja në zgjedhjet në Serbi është kundërpërgjigjja ndaj politikës shoviniste të Beogradit.

“Pjesëmarrja sa më masive e bashkëkombësve tanë në Preshevë, Medvegjë e Bujanoc në zgjedhjet e sotme parlamentare është kundërpërgjigja më e duhur dhe demokratike kundër politikës shoviniste të Beogradit, e cila, para syve të botës, vazhdon ta realizojë spastrimin etnik kundër shqiptarëve të Luginës nëpërmjet masave administrative. Prandaj, ftoj të gjithë bashkëkombësit tanë në këto treva, që ta shfrytëzojnë të drejtën e tyre themelore për të votuar, edhe pse kjo e drejtë e tyre vazhdon të jetë nën sulm nga regjimi në Beograd”, thuhet në mesazhin e Presidentes.