Osmani për pjesëtarët e FSK-së në Britani: Krahë aleatëve, mbetemi të përkushtuar ndaj paqes dhe sigurisë

Foto Twitter: @VjosaOsmaniPRKS

Kontingjenti i Forcës së Sigurisë së Kosovës është nisur dje për në Mbretërinë e Bashkuar për operacionin “INTERFLEX”, që realizohet në mbështetje dhe përgatitje të personelit ushtarak të Ukrainës.

Presidentja e Kosovës, Vjosa Osmani, në lidhje me këtë përmes një postimi në rrjetin social “Twitter”, i ka uruar ushtarët kosovarë për sukses duke ndihmuar në stërvitjen e ushtrisë ukrainase.

“Ata do të luajnë një rol kryesor si instruktorë, duke ndihmuar në stërvitjen e ushtrisë ukrainase. Krahë aleatëve tanë, ne mbetemi të përkushtuar ndaj paqes dhe sigurisë”, ka shkruar ajo, transmeton albinfo.ch.

Ndryshe, operacioni “INTERFEX” zhvillohet në Mbretërinë e Bashkuar dhe ka për qëllim trajnimin e trupave të Ushtrisë së Ukrainës, ndërsa ministria e Mbrojtjes dhe FSK-ja kanë ofruar gatishmërinë që të angazhojnë instruktorë për të ndihmuar procesin e stërvitjes së ushtrisë ukrainase në kuadër të këtij operacioni.

I wish our @KSF_Kosova soldiers success as they embark on Operation INTERFLEX in the UK, alongside other NATO partners.

They will play a pivotal role as instructors, aiding in the training of the Ukrainian Army.

Alongside our allies, we remain committed to peace and security. pic.twitter.com/I1mCgV2ANU

— Vjosa Osmani (@VjosaOsmaniPRKS) January 19, 2024