Osmani u drejtohet qytetarëve në Natën e Vitit të Ri

“Ditët më të mira i kemi përpara. Edhe pse nuk mund ta ndryshojmë atë që ka ndodhur, mund të mësojmë prej kësaj e të nisim një kapitull të ri në jetët tona së bashku me vitin 2021”

Ushtruesja e detyrës së presidentes, Vjosa Osmani, në një video-adresim përmes llogarisë së saj në Facebook, duke iu drejtuar qytetarëve të Kosovës ka shfaqur shpresën se pas një viti shumë të rëndë, Kosovën dhe popullin e saj e presin ditë më të mira.
“Ditët më të mira i kemi përpara. Edhe pse nuk mund ta ndryshojmë atë që ka ndodhur, mund të mësojmë prej kësaj e të nisim një kapitull të ri në jetët tona së bashku me vitin 2021”, ka thënë ajo.

Osmani është shprehur edhe për zgjedhjet e reja parlamentare, data e të cilave ende nuk është caktuar, duke thënë se populli orientimin e vet mund ta shprehë përmes votës.

---