Osmani: Ushtria e Kosovës po fuqizohet

Vjosa Osmani, FB

Presidentja e Kosovës, Vjosa Osmani, ka takuar ministrin e Mbrojtjes, Ejup Maqedoncin dhe komandanti i Forcës së Sigurisë së Kosovës (FSK), Bashkim Jashari.

Ajo deklaroi se Ushtria e Kosovës po fuqizohet çdo ditë e më shumë. “Ushtria e Kosovës po fuqizohet dita-ditës, si partnere e besueshme e ushtrive aleate në NATO. Sot përgëzova ministrin e Mbrojtjes, Ejup Maqedonci dhe Komandantin e FSK-së, Gjenerallejtënant Bashkim Jashari për angazhimin e institucioneve tona të mbrojtjes në misionin e shenjtë që kanë”, ka shkruar ajo.

Ditë më parë, Departamenti Amerikan i Shtetit ia ka miratuar Kosovës shitjen e raketave “Javelin” dhe e ka dërguar çështjen në Kongresin amerikan. Bëhet fjalë për blerjen e 246 raketave për 75 milionë euro.