Pa opozitën Kuvendi i Kosovës miratoi Buxhetin 2024

@KUVENDI I KOSOVES

Kuvendi i Kosovës e ka miratuar Ligjin për buxhetin për vitin 2024 në seancën e cila u braktis nga partitë opozitare.

Në sallë ishin të pranishëm 64 deputetë, prej të cilëve 63 votuan për, ndërsa një abstenoi, transmeton Albinfo.ch.

Për miratimin e buxhetit ka reaguar kryeministri Albin Kurti, i cili i falënderoi deputetët për mbështetjen e ligjit.

Në një reagim në rrjetin social Facebook menjëherë pas votimit, Kurti tha se edhe këtë vit, për të tretin me radhë, buxheti miratohet në muajin dhjetor ashtu edhe siç duhet.

Projektligji ishte aprovuar nga Qeveria e Kosovës më 31 tetor, ndërsa shuma e paraparë buxhetore kap vlerën e mbi 3.3 miliardë eurove – nga 3.2 miliardë sa ishte në këtë vit./Albinfo.ch/