Papa vendos në ankand Lamborghinin e ri të cilin e mori dhuratë

Papa Françeskut sot i janë dhuruar çelësat e një Lamborghini Huracan të ri nga zyrtarët e makinës luksoze të makinave.

Megjithatë, makina e versionit special do të vihet në ankand në Londër dhe të ardhurat nga shitja do të shkojnë për bamirësi në emër te Papa Françeskut.

Papa Françesku e bekoi makinën dhe e nënshkroi kofanon pasi e mori atë pranë shtëpisë së tij Casa Santa Maria, transmeton Albinfo.ch.

Me përfaqësimin e ngjyrave të Papës, e bardha me hollësi ngjyrë ari, çmimi bazë i Lamborghini Huracan zakonisht fillon me 183.000 euro, por makina e bërë special për Papën duhet të sjellë më shumë në ankand.

Një deklaratë nga Zyra e Shtypit të Selisë së Shenjtë tha se disa nga të ardhurat do të shkojnë drejt rindërtimit të shtëpive, kishave dhe ndërtesave publike në Ninevë të Irakut. Këto fonde, thuhet në deklaratë, do të ndihmojnë të krishterët që kanë marrë strehim në Kurdistan “që më në fund të kthehen te rrënjët e tyre dhe të rimarrin dinjitetin e tyre”.