Partitë shqiptare garojnë bashkë kundër Listës Serbe në Mitrovicën e Veriut

Ato kanë aplikuar për certifikim në Komisionin Qendror të Zgjedhjeve me emrin ‘Iniciativa qytetare Mitrovica’.

Partitë politike shqiptare për herë të parë janë bërë bashkë në komunën e Mitrovicës së Verkut për të garuar së bashku kundër Listës Serbe, e cila ka shumkcën absolute në këtë pjesë të Kosovës, transmeton Albinfo.ch.

Skënder Sadiku është kandodati konsensual i cilo do të jetë bartës i listës i partive shqiptare për Asamble komunale në zgjedhjet lokale të 17 tetorit.

Florent Azemi nga Partia Demokratike e Kosovës (PDK) në këtë komunë, tha për Radion Evropa e Lirë se pjesë e listës do të jenë edhe komunitetet që nuk i përkasin etnisë serbe.

“Jemi bërë bashkë Lëvizja Vetëvendosje, PDK, LDK, AAK, Koalicioni VAKAT, AKR, shoqëria civile, komuniteti RAE dhe kemi vende të rezervuara edhe për ata serbë që mendojnë ndryshe nga një monopol partiak që është tani në veri”, thotë Azemi.

Ai është i bindur se të bashkuar do të mund ta mposhtin Listën Serbe.

“Ne nuk jemi bllok kundër askujt, jemi bërë bashkë për veten dhe për të përmirësuar jetën e qytetarëve që jetojnë në veri. Ne i kemi hyrë kësaj gare për të normalizuar dhe për të demokratizuar jetën në veri”, thotë Azemi.

Këto parti së bashku kanë aplikuar për certifikim në Komisionin Qendror të Zgjedhjeve (KQZ), me emrin ‘Iniciativa qytetare Mitrovica’.

---