Pas 11 vitesh në arrati, kthehet manjati serb Karic

Bogoljub Karic, manjati i biznesit serb është kthyer nga Rusia pas 11 vitesh azil. Ai konsiderohet njeriu më i pasur në Ballkan

I lindur dhe i rritur në Pejë të Kosovës, Bogoljub Karic, manjati i biznesit serb është kthyer nga Rusia në Serbi pas 11 vitesh azil. Nga vitit 2006, një nga njerëzit dikur më të pasur të Ballkanit, Karic, pas akuzave për manipulime miliardësh në Serbi, ishte arratisur në Moskë.

Kthimi i tij në Serbi është bërë pasi akuza ndaj tij është vjetruar, shkruan TCH. Karic ka qenë një nga figurat politike më me ndikim të Serbisë Por, pasi në krye të qeverisë serbe erdhi Aleksadner Vuëiq, ai iku jashtë vendit si i kërkuar politik.

Karrierën e tij, Karic ka nisur në Pejë ku familja e tij merrej kryesisht me muzikë. Pas fillimit biznesit kishte arritur të rriste bizneset në mënyrë të fuqishme.

Me Karic, të gjithë kanë dashur të jenë të afërt pavarësisht qëndrimeve kundër tij.

Ai ka pasur edhe parti politike dhe pasuria e tij është aq e madhe sa miq të tij janë edhe njerëzit më të fuqishëm, përfshirë edhe presidenti rus, Vladimir Putin.

Vetëm në Bjellorusi ai ka bërë projekte 4.7 milionë metër katror në ndërtime.

Karic ka raporte të mira edhe me disa biznesmenë shqiptar të Kosovës, dhe kthimi i tij në Serbi do të reflektoj edhe në vendin e lindjes-Kosovë.

Ndryshe, Karic ka lindur më 17 janar 1954 në Pejë. Ai së bashku me tre vëllezërit dhe motra e themeloi fabrikën e familjes “Braca Karic” në Pejë në vitin 1971, ndërsa për më shumë se tre dekada, ka zhvilluar një kompani të madhe që operon në fusha të ndryshme: telekomunikacion, ndërtim, financa, arsim, media, tregti. Ai ishte bashkëpronar i kompanisë “Mobtel të Serbisë”, së bashku me PTT Serbinë.