Pas Lajçakut, Escobar vjen në Kosovë

I dërguari special i Shteteve të Bashkuara të Amerikës për Ballkanin Perëndimor, Gabriel Escobar, vjen në Kosovë e Serbi para takimit të 18 marsit në Ohër.

Vizita e tij vjen pas asaj të emisarit evropian për dialogun, Miroslav Lajçak, i cili tha se ishte vizitë përgatitore të takimin e Ohrit.

Radio Evropa e Lirë mëson se më 15 mars, Escobar do të qëndrojë në Beograd e më datë 16 vjen në Kosovë.

Takimet e ndërkombëtarëve vijnë për diskutime me krerët e Kosovës e Serbisë para takimit të 18 marsit në Ohër, ku pritet të diskutohet për planin e zbatimit të marrëveshjes për normalizimin e marrëdhënieve mes Kosovës e Serbisë.