Pensionohet Zlatan Ibrahimoviq

Superylli Zlatan Ibrahimoviq e ka mbyllur karrierën e tij si futbollist profesionist.

“Ka ardhur koha për t’i thënë lamtumirë futbollit”, deklaroi 41-vjeçari të dielën në mbrëmje në San Siro të Milanos.

Sulmuesi u përshëndet nga ish-klubi i tij AC Milan me një ceremoni pas fitores 3:1 në ndeshjen e fundit të Serie A kundër Hellas Verona.

Shumë bashkëlojtarë dhe tifozë të panumërt u përlotën.

Suedezi, i cili nuk mund të luante i lënduar, u përshëndet nga tifozët e Milanit edhe para fillimit: ata performuan një koreografi me fjalët “Mirupafshim”. Ai u prit edhe me koret «Ibrahimoviq, Ibrahimoviq».

Mes tjerash, ai falënderoi edhe fansat e tij. “Unë do të mbetem një Milanist për pjesën tjetër të jetës sime”, përcjell albinfo.ch.