Për 45 ditë fillon ndërtimi i Rrugës së Arbrit

Kryeministri i Shqipërisë, Edi Rama është shprehur se për 45 ditë do të fillojë puna për ndërtimin e rrugës së Arbrit.

Në mbledhjen me kryesinë dhe grupin e PS për projekt-buxhetin 2018, shefi i qeverisë ka deklaruar se do të diskutohet edhe me qeverinë e Maqedonisë që të bëhet lidhja e nevojshme me këtë rrugë, raportojnë mediat shqiptare.

“Vlen të përmendet për deputetet që kanë bërë përpjekjen e tyre të vazhdueshme dhe që vijnë nga zona e Dibrës se procesi për finalizimit e kontratës së rrugës së Arbrit është në përfundim”, deklaroi Rama, përcjell albinfo.ch.

Ai shtoi se punët do të fillojnë shumë shpejt. “Ministria ka nisur negociatat për termat e negociatës me kompaninë që rezultoi fituese në garë dhe në harkun e 30-45 ditëve kontrata do të finalizohet dhe puna për rrugën e Arbrit do të fillojë deri në përfundimin e këtij aksi të rëndësishëm për të cilën bashkë me Ministrinë e Jashtme kemi çelur diskutimin me qeverinë maqedonase”, shtoi kryeministri shqiptar.