Për pak ditë, rreth 8 mijë persona kanë hyrë nga Zvicra në Kosovë

Para një javë, Zvicra largoi Kosovën nga lista me rrezik për Covid. Ky vendim bëri që shumë mërgimtar nga Zvicra të aterrojnë drejt Kosovës, pasi që gjatë verës e kishin thuajse të pamundur shkaku i karantinës, transmeton albinfo.ch.

Menjëherë pas vendimit, Aeroporti i Prishtinës u gjallërua nga mijëra qytetarë të cilët morën rrugën për në Kosovë.

Sipas të dhënave të Aeroportit të Prishtinës, nga data 25 shtator e deri më 2 tetor, nga Zvicra për në Prishtinë kanë ardhur 7763 udhëtarë.

Një ndër ta ishte edhe Murat Daka, i cili për 7 muaj nuk e ka vizituar vendlindjen e tij, Prizrenin.

Mërgimtari Daka rrëfen i përlotur se periudha e karantinës, kur nuk mundur ta vizitonte Kosovën, ishte më e vështirë sesa koha kur për 18 vjet nuk kishte qenë në vendlindje.

Ai thotë se ndonëse fëmijët e tij e vizitojnë Kosovën, ata nuk janë të kënaqur me gjendjen të cilën është vendi, shkruan koha.net.

Në mesin e udhëtarëve që aterruan nga Zvicra për në Kosovë ishte edhe Besa Rexhepi, e cila kishte humbur shpresën se së shpejti do të vizitonte Kosovën.

Ndërkohë, ministri i Shëndetësisë, Armend Zemaj, bëri të ditur se brenda 4 ditëve në Kosovë do të arrijnë edhe 20 mijë bashkatdhetarë.

Autoritet zvicerane kanë hequr Kosovën nga lista e karantinës që nga 28 shtatori.

Që nga atëherë, sipas të dhënave të Aeroportit të Prishtinës, nga data 25 shtator e deri më 2 tetor, nga Zvicra për në Prishtinë kanë ardhur 7763 udhëtarë.