Për tetë vjet, 300 milionë euro më pak investime

Sipas statistikave të fundit, nga vitit 2007 deri në vitin 2014, numri i investimeve të huaje direkte ka rënë për 300 milionë euro

Kosova gjatë viteve të fundit nuk po arrin që t’i joshë investitorët e huaj. Sipas statistikave të fundit, nga vitit 2007 deri në vitin 2014, numri i investimeve të huaje direkte ka rënë për 300 milionë euro. Derisa në vitin 2007 ato ishin 440 milionë euro, në vitin e kaluar ato ranë në 151 milionë euro.

Në rënien e këtyre investimeve ka ndikuar niveli i lartë i korrupsionit, burokracia, si dhe sistemi i brishtë i drejtësisë.

Bazuar në të dhëna zyrtare të Bankës Qendrore të Kosovës (BQK) shihet se gjatë vitit 2014 investimet e huaja direkte në vendin tonë ishin 151 milionë euro, ato të vitit 2013 ishin 280 milionë euro, derisa investimet direkte në vitin 2012 ishin 229 milionë euro, raporton Zëri.

Gjithnjë duke u bazuar në të dhëna të BQK-së shihet qartë se gjatë vitit 2011 biznesmenët

e huaj në Kosovë investuan 384 milionë euro, në vitin 2010 investuan 368 milionë euro, në vitin 2009 investuan 295 milionë euro, në vitin 2008 – 369 milionë euro, si dhe në vitin 2007 ishte kulmi i investimeve të huaja prej 440 milionë euro.

Mirëpo, edhe gjatë katër muajve të parë të këtij viti trendi i investimeve të huaja nuk është i kënaqshëm. Pjesa dërmuese e mjeteve të huaja kryesisht janë investuar në sektorin bankar, patundshmëri dhe industri, ndërkaq sektori i bujqësisë edhe më tutje mbetet sektori me më së paku investime të huaja direkte