Për tre vjet QKUK-ja ofroi 3 milionë shërbime mjekësore

Edhe pse çdo ditë dëgjojmë lajme jo te mira që kryhen në spitalet shtetërore në Kosovë, megjithatë aty kryhen shumë shërbime për qytetarët.

Për 3 vjet të funksionimit Shërbimi Spitalor dhe Klinik Universitar i Kosovës ka ofruar mbi 3 milionë shërbime shëndetësore për pacientë,  me mbi 141 mijë operacione të ndryshme të realizuara në QKUK dhe shtatë Spitalet e Përgjithshme që veprojnë në kuadër të SHSKUK, përcjell albinfo.ch.

“Nga vitit 2014,  deri në gjashtëmujorin e parë të 2017,  në  SHSKUK kanë qenë të shtrirë  603 mijë pacientë në klinika dhe reparte të ndryshme në QKUK dhe Spitalet e Përgjithshme.  Janë ofruar 9.2 milion shërbime laboratorike,  4.5 milion shërbime ambulantore dhe 6 milion shërbime diagnostike dhe shërbime të tjera. Sa i përket lindjeve, gjatë kësaj periudhe, ka pasur   81 667 lindje të raportuar  nga të gjitha njësitë. Nga viti 2015 deri në periudhën e gjashtëmujorit 2017,  janë kryer 287 859 shërbime të dializës nga të gjitha njësitë”, thuhet në njoftimin për media.