Përfitimi i parë nga hyrja në BE, zbriten çmimet e telefonit!

Me hyrjen në BE, çmimet e roamingut për telefonët mobilë kanë pësuar rënie të ndjeshme njoftojnë mediet nga Zagrebi.

Rezultati i parë, i prekshëm që ka prodhuar pranimi i Kroacisë në Bashkimin Evropian ka qenë të hënën telefonimi me çmim më të lirë se më parë. Përmes aplikimit të kritereve përkatëse të vlefshme në BE, çmimet e roamingut për telefonët mobilë kanë pësuar rënie të ndjeshme njoftojnë mediet nga Zagrebi.

Presidenti i Parlamentit Evropian, Marin Sculz dhe presidenti i komisionit të BE-së Jose Manuel Barroso kanë hapur në kryeqytetin e Kroacisë “Shtëpinë Evropiane”. Në këtë ndërtesë në të ardhmen do të vendosen zyrat e Parlamentit Evropian dhe të Komisionit të BE-së.

Në mëngjesin e të mërkurës, ministri i financave i Kroacisë Slavko Linic në Bregana, vendkalim kufitar me Slloveninë, ka hequr shenjat e vjetra të doganës . një orkestër e doganierëve ka intonuar me atë rast himnin e Evropës duke nderuar ngritjen e flamurit evropian, shkruan agjencia gjermane e lajmeve dpa. 

Pllakat që shënojnë pikat doganore janë çmontuar edhe në kufirin me Hungarinë, shtet ky po ashtu anëtar i BE-së.