Përfshihen nga zjarri dy vetura në aeroportin “Adem Jashari”

Dy vetura janë përfshirë nga zjarri në Aeroportin Ndërkombëtare të Prishtinës “Adem Jashari”.

Zëdhënësja e Policisë së Kosovës, Flora Ahmeti, ka bërë të ditur se ngjarja ka ndodhur sot në ora 08:00, në parkingun e aeroportit.

“Njëra nga veturat e tipit Mercedes është djegur tërësisht, ndërsa tjetra (Audi), e cila ka qenë e parkuar në afërsi, është dëmtuar pjesërisht. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Përveç dëmeve materiale, nuk raportohet për persona të lënduar”, ka thënë Ahmeti.

Tutje ajo ka bërë të ditur se aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë këtë ngjarje./nacionale